dimarts, 23 de juny del 2009

Hèsta de la Musica 2009

La hèsta de la musica, dimenge de vrèspe, que la passèm au jardin Raimon VI de Tolosa dab amics bohaires e aboesistas deu Conservatòri Occitan de Tolosa . L'aboès, taus qui n'ac saben pas, qu'ei un clarin tradicionau deu Haut-Coseran. Qu'avè desaparegut a la mitat deu sègle passat, coma la boha landesa. Lo mèste Bernat Desblanc que l'a reviscolat, que'n fabrica e que l'ensenha au Conservatòri Occitan, com ac hè dab la boha medisha.





N'i a qui volèvan videos? Tè, aquiu que n'avetz.

Ua borrèia coseranesa: Ara montanha, plan coneguda, aquí jogada peus aboesistas e bohaires, acompanhat peu tambor. Que la podetz enténer cantada per la cobla aranesa Es Corbilhuèrs au mitan d'ua seguida de borrèias coseranesas, aquí, e la véder dançada peu public a la Capitala (Barcelona) sus ua video de l'infòc qui'm caleré tornar trobar.



Ua escotisha qui comença pas tròp plan: un colèga, arribat en retard, s'avè enganat de pihet, n'èra pas dens la bona tonalitat. Que jogava solet en sol, e nosatis en la, aquò n'èra pas tòp. La mea vesia que l'ac digó, mès eth que continuè tranquille. Qu'a ua excusa: s'enten pas arren dens ua cobla. Fin finala, lo Bernat qu'acabè per avisar-l'i e l'aute que cambiè de pihet. Jo qu'èri mort d'arríder (enfin, interiorament, e).



Un rondèu de las lanas, tanben plan conegut: a l'entorn de ma maison (o meison coma disen acerà). La boha que s'i sent a casa.




Ua auta escotisha, dab lo tambor (Que i a un bohaire, a man esquèrra, qui a hami de hèr lo pisson. Aquò qu'arriba, e).


E los aboesistas que'ns a regalat aquesta:
Los escolans de la mea classa de boha n'èran pas venguts pro nombrós, rai. Qu'avem passat ua pausa de las bonas.

2 comentaris:

merike ha dit...

És sorprenent que hagis començat a estudiar música en un conservatori també! Ets un geni de totes les maneres. M'agrada aquesta classe de música millor. La gaita és massa:-) YouTube - Heinz Holliger amb Mozart oboe concerto Però te desitjo bona sort en els teus estudis..

Mon ha dit...

bona diada de sant Joan i felicitats