dijous, 28 de febrer del 2013

Peticion e manifèste vists per un agnostic.

L'Express que consacra un article tau deishudar gascon, hens la dralha de l'Institut Biarnés e Gascon (que i soi aderent a l'IBG, shens exclusivitat, que sostieni tanben mei d'ua associacion gascona occitanista). Que i trobam mentavut lo manifèste signat per de lingüistas prestigiós tà la reconeishença deu gascon com a lenga per se, distinta de l'occitan. Hens un movement preveder de reaccion, aquera peticion que provoquè ua auta, signada per quauques 2500 personas, on s'i afirmava l'unitat de l'occitan, gascon inclús. Qu'ei un pòc com ua peticion tà manifestar la veracitat gloriosa de la Senta Trinitat e de l'Immaculada Concepcion contra ua peticion tà manifestar qu'Alà ei gran e que Mohamed ei lo son profèta. Statisticament, a l'escala deu planeta, la dusau que deuré aver mei de signataris que non pas la prumèra. E alavetz? Lo resultat e'vs harà cambiar de religion?

2 comentaris:

Anònim ha dit...

Adiu,
iò sabe aura, qu'es te que parle dins lu pòste los mandins.
'Queu dijòus la cronica scientifica parlava de la matièra negra qu'eissista pas o beleu que v-òc-es. Lu cronicor, te alaidonc, diguet 'quò sus los maucreisents (e mai que mai sus lu Dirac ) :
« Dieu n'existe pas et Dirac est son prophète ».
Coma sei un nonitaniste, l'inverse d'un òc-citaniste, e un pauc nastre, dirai aura :
« L'occitan eissista gaire et los gascons ne'n son los garants ».
:)

Ne'n fau daus bilhets entau, ne'n fau d'enquere mai que mai, e pus seriosament, vau 'nar legir l'Express.

JP

Joan de Peiroton ha dit...

Adiu JP, Mercés per lo comentari e lo compliment! E mercés tanben per me har conéisher lo Dirac :-)